Noch van zynober
Item wiltu noch roberick temperieren guet und glantz So nym zynober und riff den wail mit wasser uff eyme steyn Dar na guysz eyer clair dar uff und ryff dat eyer clair mit Dat it druge werde und doe dar na also groisz dûtteren als eyn erbes dar under und doe dat dar na in dat horn und gûsz dar ober eyer clair dat it nit zo dûnne noch zo dick sy und roere dat gar wail under eyn ander und laisz dat stayn ober nacht an dem morgen so gûysz is alles oben abe Dar na nym frische eyer clair getemperiert als gewonlich is und lege dar in also grois gummy als eyn hasel nosz und laisz it stayn bijs it wail zorgeit und gûsz it dan in die robrick bijs dz it recht werde