Item wyltu nu roberick tempererieren dat sy cleyn usz der federen gee Dattu da mit moeges floreren so riff die robrick vûr hyn gar wail druge und dar na mit eyer clair und guysz dar in wasser und zo ryff it mit eyme vynger gar wail under eyn ander und laisz it eyn wyle dar na stayn und dat bleche dat oben swebet dat guysz abe bijs uff die robrick und nym dar na ij deil eyer clair und dat dritte deil wasser dat it wail gemenget sy under eyn ander und temperier it dat it recht sy und doe eynen troppen honchs dar under also groisz als eyn erwesz