Wan ir bla willt farben so nym Der walbren die an der erden wasßen und nym die und stoiß sy in eym steyn ser und due sy in eyn keßel und sudt sy woil wan ir garn farben wult so solt ir das garn reyn weschen und drucken laißen werden und solt dan wasser oberhenck und allun der gestoißen sy dar in doyn und dan dz garn in den kessel doyn und eyn wenig laßen sieden und laiß dan im kessel stan bis is kalt wirt und henck is dan uff und laß is drucken werden und stoiß is dan in die brun brue und laiß is mit sieden und laß is dan kalt werden due is dan herhuß und wrynck is uß und henck is uff und laß is drucken werden so wan is dan drucken is so swenck is in kaldem wasser usß und nit in rib is und henck is dan wider uff und laß is gantz drucken werden dan solt ir nemen span grun und duet is in eyn romsel glais und duet wasser Darober und laist is eyn nacht ader ij stan und nemt dan kalt wasser in eyn bar und dut das span grun mit dem wasser in die bar in dz ander wasser due dz brun garn dar in dz is gantz naß werd das zwynck dan uß und henck is uff und laiß is drucken werden dan ist bereit ist is aber noch zo brun so nym weder kalt wasser und nym span grun und mach is weder we erst wan du reyd kanst ankomen die durt dz sy gantz dur werd und due sy in eyn gleßen dupen und laiß sy wal mit wasser sieden Dan nym der selben brue milch (?) wasser warm und nym dan span grun des wasser Daran under dis das under die reidt wasser nit zo vil span grun und due dz garn dar in und wan ir siet das is noch brun ist so dut eyn wenich spangrun noch Darzo und stost is weder Darin und henckt is Dan uff also macht man is uch mit den holleren in aller maißen wie diß vurgenant