Item nym eyn echt maiß wassers und doe kalck dar an in ey glesen dupgyn Und rure it under eyn und laiß it stayn eyn gude wille bis der kalck gesyncket So sye dat wasser aff und due dat in eyn geschyre als vur und doe dan also groiß alluns dar in als eyne bone und lais it dar mit erwellen und doe dan dat holtz dar in und stelle it van dem fure Und laiß it stayn eyn wille und dan sye it dorch eyn duch und nym die brude und doe sy in den kachel oben In dem somer stelle sy in die sonne ader na by dat fur dat it neit zo heis haue und laiß it also Drugen und dat puluer is sere gut brun