Eyn gut gult grunt
Man sal zum irsten nemen kryde und die kleyn riben mit slechtem wasser und die laßen drucken uff eyn stuk kryden etc. und dar na salman nemen roden bolys ader en wenig rudelsteyn und den riben aber eyns mit der kriden also daß die kryde en wenig rodichtich werde etc. Und saldan bereiden lym aber ich raden das man lym mach von pergament snytzen ader stuken also nympt yn eyn dupgyn des vorgenanten pergamentz und waßer und laist das syeden biß halb yn ader daß dritte teil yn dar na das man ys sterker ader swacher han wil und dar na reynlichen sal man it sygen durch eyn düchlin Darna salman die vorgenanten kride mit dißem lym temperieren yn eynem dyegelgyn ader uff eym steyn undereynander ryben und rybt en wenig zuckercandit drunder das gibt yem eynen guden glantz und setzt das uff ader by die kolen und stricht uff dar irs wilt han und last iß drucken und iß it sach daß it uch duncket zu dun syn so stricht nach eyns und wan is druken iß so schabt den grunt mit eynem messer fyn glat und wan ir wilt das gult uff legen so macht eyn gat dunß limlyn ader slecht wasser und netzt den grunt mit dem bensel und let die gult stucker dar uff mit baumwol ader mit eym bensel und wan das gantz und wol drucken iß so planiert iß mit eym zan ader caczydonigs steyn
Item mit irsten wan man den grunt warm uff stricht so schrympt [...] ament aber wan man iß planiert ader glyt so wirt iß widder slecht
... planiert en mit dem zande wol glat