Gar gut und hubß saffgrun zu machen
Nymt Swertel blomen daß synt blo lylien und pluckt die blo bledder abe und stost die yn eyn murselsteyn und druckt das saff dar uß durch eyn linen duchlin und man sal das saff zwei mäl sygen das iß deß de reyner sy eyns mit dem uß drucken uns eyns na dem alun Darna sal man das saff yn eynem duppen wermen enwenich by dem fur und dun dan alun dar yn ungeuer yn eyn halb maß eyn lot alun ader myn und dar na sygen als vorgescriben stet und dan iß laßen drucken in mûschelen aber yn eyner blasen und man mach auch dar yn dun gummi Aber ich thun keyn gummi daryn ich wil dan mit arbeyden und man temperiert iß mit gummi waßer und wan iß widder hart wirt mit slechtem wasser etc.