Van gebeyne weich zo machen
Item wiltu helffen beyn und alle ander gebeyn machen weich so nym leuendigen kalck und gebrant eschen van bircken kunne und roud eschen den die duchferber nutzent eyns also vil als des anderen und mach dar uß eynen kalckgoiß in gueder dick und lais is dar in zehen ader me dage lygen in eyme lynen duch wal vermacht und veruehet welchereley gebeyn ader horn du wullest und wan is so fast erfulet bis dat it sich mit den vyngeren dorch dat duch lesset dryngen so salt du it uß der beytzen nemen und uff eyner schoyner gladen taflen tzwuschen den henden hyn und her dryben als eynen deich und dar na so lege is in eynen sy sack und guß dick dar uff gar heisses wasser und so tryff und walle is aber uff der taifflen mit den henden vast und lange bis is erdruck und tryff und walle und syhe es also lange bis it sich lesset wircken als waß und mach dan dar uß welcherley kleynot ader Druck is in welche forme du wilt und lais is dar na etlichen dach an der sonnen drucken und erherten und wan du dat gebeyn ader gehorne in die beitz ader kalck goiße leges als vurgenant is so sal is mit eyner fyellen aller dynge zo stoissen syn