Item so man hait fliessende pappir ader fet perment dat die ynck neit wil Intfayn So nym knytte und ryff die kleyn mit wasser und sye die dan dorch eyn duch und schoyde sy dan uff eyn groiß stuck knyten und layß sy wal druge werden und nym Dan geissen milch off schayfs milch off van eyner koe die balde sal kaluen also frisch dat keyn roum dar uff sy und zo der milch doit man eyß wiß wal dorch slagen also wenich dat die zwey deil syn mylch und dat drytte deil eyswis und dit vurgenant sal man zo samen mengen dat sy werden also dick dat dar eyn leffel in blyfe stayn dat man die materie nauwe in dem sack giessen moge umb die dick und als die materie bereit is so duet man die in eyn seckelgyn mit eyme horngyn dat an beyden enden uffen is als da man worst mit fullet und hencken die in den wynt dat sy allentzlen drugen mer neit in die sonne sonderlich Dar sy heyß schynt hy mit ryff ober fet perment off papir so flust it neit