Modi per meter l’oro supra le carte.
Anota che voiando meter oro ssu le charte a non voiendo a inbornir, tuo’ de l’oro pimento, el qual sse vende in sspizaria, e destudalo chon l’adexo molto bene tanto ch’el ssi dessfaza e metilo ssu uno sschodelin. Alora quelo chomenza a lavorar dove che vui vole’ meter l’oro e lagelo ssugar uno pocho. Si ve pare sse che fosse plui del dover ssuto, ssupie’ uno pocho chon el fiado overamente are’ da piar e[l] cholor. E questo sse pol metrer in legno e in piera e in tela e in fero e in churame e dove vui voleti.