Voiendo adusar l’oro.
Voiendo adoperar l’oro maxendo tu farai a questo modo. Tole una penada d’oro e l’altra penada de aqua de goma rabicha e destia inssieme tanto che ti possi adoperar chon la pena. E ssi per ventura ti avessi messo tropo oro el qual zonzi de l’aqua. E ssi ti avessi messo tropo aqua, zonzi oro. E fa che ti abia chustodia de ssaver meter l’oro e l’aqua per poder tindar, azò ti possi sschriver. E adoperarlo, lassa uno pocho ssugar, zoè ssugar e poi tole uno dente de chan e va inbrunando. E ssì fando romagnerà d’oro ogno chossa.//