J'ay pris quattre onces d'huile de noix fort bonne & non puante & ay jetté dedans une once de lytharge d'or bien lavée, puis les ay nourry ensemble dans un poislon sur un petit feu que la lytharge s'est entierement dissoulte & incorporée avec l'huile: Alors j'y ay jetté quattre ou cinq ceiullerées d'eau laquelle estant froide faict un fort grand bruit & y doibt estre mise chaude. Alors le feu a esté augmenté & la matiere a bouilli remuant tousjours jusques a tant que par la consomption de l'eau le tout se soit espaissj en 'ebullition, en consistance de beurre en esté un peu plus espais que du miel comme un unguent liquide. Ceste mixtion n'est pas puante & peult seruir de vernix au fer pour empescher la rouille.,,Pour imprimer tableaux. Broyés de l'ochre jaune avec cet unguent ou huyle. L'ocre ayant esté au prealable broyée avec eau, et bien seichée & couchés ceste mixtion sur vostre toile bien tendue sur le chassis sans aucune colle ou aultre chose qui puisse faire rompre ou escailler la toile: laissés seicher, puis polissés avec une pierre ponce, & donnés une seconde couche avec vostre huile & ocre, l'estendant avec le coustau selon l'art & ainsi vostre toile estant seichée sera imprimée suffisamment.,Pour faire cest mixtion encor plus siccative (mais il faut voir si la toile n'en sera point aisée a rompre) on peult prendre . iiij de litharge pour . ij d'huile. Voire plus selon l'effect & faire comme dessus.,Note qu l'ocre a cela de propre quelle recoit touttes sortes de couleurs, le blanc, le bleu, la lacque, sans les gaster en facton quelconque, ce que la terre d'ombre ne faict pas. Car sur icelle lesdictes couleurs se ternissent & meurent avec le temps.,Voyés l'usage & l'application de cet huyle avec ocre (et) blanc de plomb. Noir de fumée bruslé faicte par Miten: sur la fin du petit livre.,,