Fault les coller premierement avec colle de cuir de veau, ou de cheurotin, en quoy consiste tout l'artifice: Car si la colle est trop forte la toile se fend & se rompt aisement. Apres avoir mis la colle sur la toile, estant encor humide, couchés la sur un marbre, & avec la moulette applatissés toutes les cousture & touts le noeuds, puis laissés seicher. Apres imprimés avec blanc de plomb & un peu d'ombre. Une imprimeure suffit; si on y en met deux la toile sera plus unie.,Pour faire païsages que vostre imprimeure soit de couleur fort claire.,,Note in margin:,N.B. J'ay trouvé en un tableau faict par Abraham qu'estant plusieurs années contre une muraille humide, la couleur s'est toute separée de la toile à cause de la colle, par tant fault imprimer avec l'huile siccative preparée avec la lytharge, & estant sec imprimés avec terre d'ombre ou aultre couleur telle que voudrés Ou bien faittes vostre premièr couche avec terre d'ombre & blanc de plomb broyés à huile & l seconde avec blanc de plomb & ocre; ou blanc de plomb & noir; comme vous voudrés.