Dat Batement van Recepten (1500-1600)
85. Een recept voor die vrouwen als si haer garen ghesponnen1. sullen hebben, van wat soerte dattet si, om dat in diuersche colueren te verwen.
(a) Om garen swart te verwen.
Neemt een deel gallen ghebroken ende ghestooten, laetse in een potken met water sieden, ende als si een weynich sullen gesoden hebben, neemt alle die galle wt, ende doet weder in den pot also veel coperroot romain, als ghi galnoten wt genomen hebt, ende daertoe een weynich gomme van arabien, latet dan noch eens opsieden ende doet daerna v garen in den pot, ende latet een weynich in die voors. verwe sieden, dan trect wt ende ghi sult sien dat goede zwarte verwe (is) ende goede luster hebben sal.