Wiltu scriben eyne schrift dy golt var silber var copper var ader bleyva seyn So nym eyn cristalle vnd czu reib dy of eynem harten steyn marmorie mit eynem claro vnd tempere denne das puluer mit claro als eyn teinten das mas schriben mag vnd schribe ab mite was du wilt vnd loz is denne wol tringen vnd streich dem dorober mit eyn guldeyn ader mit silber ader mit copper ader mit bley ader weler leye varbe du dy schrift wilt haben dornoch bestreich is mit der egnanten diner zo gewirt is darnach dy varbe
Nym safferan vnd auripigmentum das ist rustich gel gleiche vil eyn als dez andern vnd temperer das mit eynem czegen galle vnd loz sich das vorbeissen vnder eynander yn pferde mist bis das is dicke lut ( ?) eyn dornoch loz is kalt werden vnd schrib denne daz mite das scheynt zam is gulden sy