Spongrien machen
anderer gestalt,
dz sein Flores Veneris.
Nim feyhelspän von Kupffer. oder
nim kupffer äschen, thue sie in ein
küpfferin gefäß, geüß distilierten essig
doruff. setz an ain warme statt, biß
der essig blaw wird, dan so seyhe den
blawen essig ab in ain ander geschirr,
dz Innen verglest sey, vnd geüß wid(er)
ein frischen essig uf die feyhelspän,
oder Kupfer äschen, vnd laß aber stehen
biß der Essig blaw wirt, den geüß
dann auch ab, zu dem andern blawen
essig, dz thue so offt, biss dz du deß
(//f.8r)
Blawen essigs genug hast, oder der essig
nichts blaws mehr vßziehen will,
dann so thue die Blawen abgesihen
essig alle zusamen in ain kolben
glaß, vnd ein Hahn doruff, vnd
distilier den essig gar sanfft vnd
mit lindem feür ab, oder laß ob
lindem feür den essig in offenem
unvermachten glaß, oder geschirr
lind abriechen so findestu letslich
den Spon grien, oder flores Veneris
gantz suptil in fundo deß Kolben
glaß, oder geschirs, den brauch zu
den farben, dahin er fieget in.