Spon grien von Mössin
abfeylen zemachen,
Nim gefeyhelt mössin wäsch in gar
sauber und Rein mit wasser von allem
staub. Laß in dan wider trucken wird(en).
Dann so Nim ain guten essig,
feuchte den (M)essig damit an, vnd
laß in an der Sonne wieder truck-
nen vff ainem soubern britt,
feuchte in dan wider an mit essig,
und laß In wider trücknen alß vor,
vnd dz thue so lang biß der Mössing
schön grien wirt, Dann so Rib
in vnd thue in Inn ain schöns Neues
Häfelin, vermachs Häfelin mit gutem
(//f.9r)
Luto, setz dann dz vermacht Häfelin
(ist der Lutus trucken worden.) in ein
wind ofen, Laß es drej tag vnnd
nach glühen, Desselbigen vßge-
glieheten Mössings Nim alß
dann 1 Pfund, vnd 1 vierlings Sal-
miax, Rieb es wol uf dem stein
vnderainander, setz in Keller so
soluiert eß sich in wasser, Diß sol-
uierte wasser. Laß dann wider
trücken, so ist der Spon grin bereit,
den behalt, und brauch In zu deiner
Notvrfft.