Ein gut Hut
farb
Damit man die alte Hüet, oder
ander Schwartz geweßen abge-
schoßne gewand, wider Hipsch
Schwartz ferben Kan.
Nim Erlen Rinden, du darffest die
ober Schwartz Rinden nit oben ab thun,
sonder Nim die Rinden gar ober, vnd
vnderst, gantz klein Zerschnitten, löge
(//f.18v)
ein gelegt Rinden in den Kössel, zu vn-
derst vff den boden, vnd doruff ein
gelögt schliff. vnd den schliff ein
lög alt hüet, oder ander alt schwartz
gewesen wulin gewanndt, vnd
dann aber ein gelegt erlen Rinden,
vnd doruff aber Schliff vnd dann
vff den Schliff ein lög alt hiet, od(er)
alt schwartz gewesen wullin ge-
wanndt, vnd so fort stratum
super stratum, gemacht, biß der
Kössel voll wirt, Doch sehet wol zu
vnd habent gut acht dz die Hiet, oder
wullin gewanndt nit zu weit an daß
ort im Kössel gelegt werden, dz sie den
(//19r)
Kössel am ort nit an Rühren, sonsten
möchten die Hiet, oder gewannd am
Kössel anbrennen. Dann so
geüß ein frisch bron wasser dorüber
dz Zween Zwerch finger vber die Materi
gange, hencket dz vber dz feür vnd
lassets j stund lang vngeuarlich
mit ainander sieden, dornach den
Kössel abgenommen, die alte hüet,
vnd gewannd herauß gethan vnd solches (mit)
souberem frischem fliessendem wasser
wol vnd sauber auß gewäschen von
Schliff, vnd anderen vnreinigkeit(en)
so hast hipsch Schwartz. Ja waß wullin
gewand ist, dann dz Leinen tuch nimbt
diese farb nit an.
(//f.19v)
Nota
Du mußt aber, ehe du sie im
Kessel seüdest, die hiet, oder waß
schmotzig ist, vom schmutz fein Rein
seübern vß guter Räßer kalt gegoß-
ner Laugen vß wäschen, vnd dann
aller erst, wie oben gehört, schwartz
sieden oder ferben.
Nota
Du kanst auchin der blawen Praesentz-
farb so sie abgenutz ist vnd nit mehr
blaw ferbet, die alten wullinen
hiet, vnd abgeschossen schwartz ge-
wesen wullin gewand, schwartz ferbe(n)
Du must aber Vietriol in solche abge-
nützte blawe Praesentz farb thun,
(//f.20r)
vnd solchen Vietriol dorin sieden vnd
dann erst die schwartze alte hiett,
oder abgeschossen schwartz gewesen
wullin gewanndt, dorin also warm
ferben, und Es wirt hipsch schwar(tz)