Nemt loet al dun geslaghen ende rondet in rollen, alsoe dat sy malkander nyt een
raken; dan settet dy rollen tussen .ij. baren dy weel verglaset syn op een holten roster,
ende ghietet dy onderste baer woel edixs dy ghedistelirt is, dan sluut dy baren toe,
ende lymtse thoe myt eyn doeck yn hars ende was gedopet ende settet in perd mys
all heet en mant lanck. Ende dan nemet wt, ende doet dy rollen op ende schauet dat
wyt af. Ende set dan [dat] ander daer weder yn. Ende dat ghy of gescauet hebt dat
sidet .4. vre lanck in guden wyn etich, dan wasschet yn werm water vut ende latet
droghen inden sonne, soe ys dye ceruse gemaect. Mer dy texts scriftum spreket van
dese lasur ende dat een staet.