Nemt een pinte vaters ende .ij. loet bresilien weel ghepuluert ende sidet tsamen .j.
vre lanck myt eyn half loet alluns. Dan nemt swarte mossel sculpen dy .ij. of .iij. iar
inder eerden gelegen (fol. 23v) hebben ende al wyt geworden syn; dy suldi weel
vriuen, ende ghiten dy werue doer een doeke op dy puluer van die mossel sculpen
ende latent dan droghe[n] in dy sonne. Ende als droghe ys dan maket noch eens nat, ende
latent weder droghen. Ende yst noch nyt roet genoch, so maket noch weder nat vanden
bresilien soe salt schoen roet werden.