Nemt eyn scaps weelle, ende laet dat gerwen yn dy loe kup ende spannet dan op eyn
ram al doer styf. Ende alst droghe ys soe snidet daer sticken also grote of cleyn als
ghy wilt. Dan nemt claer eyeren ende <.j. lot> gumme arabicum ende gumme
amigdolorum .4. loet. Ende tempert dese wel tsamen, ende bestricket dese welle daer
mede. Ende dan nemt siluer of goudt ende legget opt voerscreuen vernisste fel, ende
latet droghen ende wriuet wel myt eyn tande.