Alle weruen tho wriuen daermen mede gheve[rf]t heeft ende weruen wyl ende ouer
bleuen ys. Ende sy ys gelick gheworden ende onstelt ende werbleket, ende dye werue
doen weder commen. Item weed asche ende ongeleste kalck ende maket dar loghe
af ende latet dy staen besincken. Dan ghitet die clare loghe bouen af. Dan nemt
wingart assche ende sieghet dy voerscreuen loge dar doer ende latse stan claren. Dan
doet dy clare loghe bouen af ende mengense mytter voerscreuen werue, ende laetse
staen hent dy werue gesonken ys. Dan ghiet dy loghe bouen of ende doet dy werue
op eyn cryt steen ende laet staen droghen, so ys dy werue wernyet ende bereyt.