Vill dw guet blab tinkchen machen zw corporien So nym blab lasur dy klain geriben sey und thue ez in ain rains muschel und geus dar an ain lautters wasser und thue ez dủrch einander daz ez werd alz ain taich/taig ( ?) und geuz dann ain laug uber dy lasur und zetreibs mit dem vinger wol undereinander und laβ ein weil sten unczt dy lasur ze poden siczt und geuz dann dy obrist laug wider ab und aber mer schoner laug dar uber und ruer ez mer mit dem vinger dủrch ein ander und laβ aber sten und geuz dann dy laug under ab und thue daz dreystund uncz daβ lautter werd zwin vierten mal so geuz schon wasser in dy muschel auf dy lasur und zetreibs aber mit dem vinger alz vor und laβ aber sten unczt dy lasur zw poden gat und seich dann daz wasser alz oben ab biz daz nichcz mer auf der lasur sey So nym dann dy lasur aus der muschel in ain horn und geuz dar uber dez ersten wasser alz vor geschriben stett ein wenig in daz horn daz ez ains vinger dikch hoch und praitt uber dy lasur gee und nym drey trophen honigs daz yedweder sey alz ain arbaiz und ruer daz allez zw sam under einander (einand’) mit einem (eine) schonen (schon) holczlein und trukch dy veder (ved’) dar in und versuch es ob ez aus der vedern gee –
ye merkch ain warczaichen ob der (d’) tinkchen recht sey oder nicht wann man dy tinkchen wol ruerd under ein ander und ein weib blab weleibt daz zy nicht pald zw poden feld so ist der tinkchen recht geschein . Wenn sy aber nach dem ruern schir zw poden veld und nicht gern auz der vedern gett so ist dy tinkchen ze krankch so sol man dar in legen gummi arabicum alz gros alz ain arbaiz und mer ain trophen honig und wen dy gummi zw erczett so ist in recht –
ye merkch wenn dy tinkchen wol geruerd wird so schreib da mit get dy tinkchen (tinkchn) gern auz der veder und werdent dy puechstab geleich blab so ist der tinkchen recht an allen dingen werdent aber dy puechstab plaich und nicht schon blab so ist dy tinkchen ze dûnn und hat ze vill wasser so laz dann daz horn sten ain guete
(//f. 78v) weil unczt dy lasur zw poden sinkcht So geuz dez obristen wasser ein wenig dar ab in der maβ alz drey trophen und ruer ez dann dủrch einander und schreib da mit so ist sy sicher guet alzo ist blab tinken (tinkn) zw corporieren (corporirn)