Vill dw schon vein gruene tinkchen machen So nym gruenspat und reib daz auf ainem reibstain mit lautterm esseich gar wol und klain und nym ein weissen weinstain einer arbaiz groβ und reib daz under daz gruen und nym auch zwen oder drey tropphen aines ayr tuter oder ains honigs und reib daz alles wol under ein ander und thue ez in ain horn und probier ez mit der veder Ist ez ze dikch so gett ez nicht gern auz der veder so gewz drey trophen esseich in dy varib und ruer ez mit dem vinger dủrch ein ander So wird dy tinkchen guett –