Item perk lasur zw machen

Item das lasur gestain sol vast tunkel plaw sein das ist das pest vnd man haist es den spiegel also man es in hungun ( ?) auf der fuda ( ?) und dar aus wirt dy aller pest lasur vnd von ainerlaÿ gestain macht man auf sechserlay plaw vnd ÿe liechter das gestain ist vnd mit quartz ye erger varb dar auch wirt
Item (Itl) von erst müβ man das gestain klayn stossen in ainem mörser darnach wasser dar an giessen vnd das kot ain tayl davon waschen darnach dy materi gar klayn reiben auf einez gütten reibstain mit wasser ab darnach der geriben materi tun auf j liber oder z liber swer/smer ( ?) in ain gross weytz yndeinq ( ?) pek vnd daran giessen (giessn) guette sayffen laug dreyt ( ) vinger tik dy laug müs hays sein vnd darin schaben auf vier lot sayffen vnd haben ein polichs/solichs ( ?) instrument von pesen gemacht der stumff seyn (sey) in ainen stil von x oder xij reisen vnd dy materi in der haissen laug auf rueren (ruern) vnd stëtz den posen zwischen den henden hin vnd her trendeln so erhebt sich das plaw aus dem kot oder quartz von des auf an heben von wegen der sayffen vnd swebt darin zw öbrist ein plaber gest den müβ man albeg ab schepffen in ain schaff vnd so das schaf vol gests wirt so spreng ein wenig fasch/sasch wasser daran so setz sich das plab vnd als lang auf treiben mit haisser laug untz das kayn plab mer aufget darnach so mag man das plab mer reiben vnd wider auf treiben als zu dem ersten so kümbt das kot dester pas davon darnach so wescht man dy sayffen von dem plabn mit warm wasser darnach so sol man haben glasurte pek darin schawt man dÿ plab von einander mit haysser laug man tüt in das erst peck vier oder (od’) soths liber (lb) plab dar auf geust man laug vnd ruert das plaw durch einander auf so swingt sich das sabtilist/subtilist zu öbrist das wirt ein asch 2 oder (od’) 3 vnd las dy materi ein wenig gesiczen oder gevallen darnach seycht man dy laugen gemälich an in ein ander peck vnd geust mer laug daran vnd ruitz in der ersten formen (form) so kumbt ye lenger ye ein schoner varb nach der andern (//f. 254v)


Zu lest pleybt der kern der ist gar swer vnd am aller settisten vnd haist dy veldung plaw vor der varb so koment z oder (od’) 3 öll pläb oder mer es lerner sich selber vnd ist gerecht darnach geust man aus yedem pek das plaw so sich das plaw gesetzt hat vnd man fascht /stischt das plaw mit warmen wasser darnach lat man es truken werden in den peken an der sunnen oder in ainen (ain’) warmen stuben pey dem ofen darnach so set/fet man es durch ein häten sib darnach behalt man yedes plaw besunder