406R
MARBRE ARTIFICIEL
Le Sieur dela PICARDIERE a apporté ce secret
D´Italie, et l´a baillé à M. Barret, qui m´en a voulu faire part
Pour contrefaire le marbre
R[ecipe] du fromage de vache saic et maigre le plus que pourrez metteste (?)
Das l´eau chaude jusque ace q___ d______ paste, ______ __ ____;
Avec le dedans, vous incorporerez dela coleure qui sera delle
Mesme reduicte en pouldre estant ....
une paste, avec laquelle vous mecterez chasque couleur a part
dela sorte que vouldrez que le marbre soit, puis le meslerez
ensemble diligemment, et les reduirez en ____ ______que voulez
si vous en faictes des paternostre, Il les faut pollir _ _____;
si des colloures, au tour; si des globe, Il les faut bien mensler
dans vos mousle rond, si vus en faicte des tables, Il les faut
pollir et lustrer avec la pierre ponce et puis avec la pouldre ou
tripoly, Que si vous desirez faire compartimens la matiere estant
a demy fouisste, engreviez telle figure que voudrez, et puis ____
Jettez dedans dautre matiere qui sera de couleur differente et
pollirez comme dessus.
Aultre maniere qui ...
R[ecipe] de la Cire d´Espagne de telle couleur que vouldrez faire le marbre
et la rompez menüe mectez la dans une cuillier de fer sur
le feu en la remüant dextrement sur le feu Jusque au qu´elle se
reduce en paste a lors vous en apliquerez en telle ___ que
vouldrez qui sera bois, soit globe coloure ou table, puis
ferez chauffer un fer rond pour les Cetennes, ou un fer plus
pour les tables, avec lesquelz vous unirez vostre matiere-
406V
laquelle polirezavec la ponce et puis le tripoli comme dessus, si
voulez contrefaire la cornaline mettez y l´ambre d´autre si vous
y voulez du blanc mectez y du mastic./
Aultre maniere
R[ecipe] du Plastre et le trempez avec la colle de poisson °^ et aultant de
Chau_e vine qui se sera mise en pouldre al´air, et en faictes de la paste
Dans laquelle vous lecterez telles couleurs quil vous plairrà, lesquelles
Doibuent estre au precendent separement de/trempees dans des escuelles
Avec le blanc d´oeufs battu avec des esponges, (vous les faictes boire avec
Esponges, et puis les espreignez, entre les mains diverse, fois) vous
Mestrez le tout ensemble #^ de cela ferez des globes que arondirez
Avec un fer rond qui taille +^ si vous en voulez faire des roulonnes
Il faict premierement faire le corps de plastre avec de l´eau, si
Vous en voulez faire des tables Il faict jetter vostre matiere sur
Une table rivee par tous les loutz, et promptement l´unir avec une
Reigle, et puis la pollir avec la pierre ponce, et puis la pottee oule
Tripoly./
°^ ou plus tost colle forte descrampee en candepluye et fondue sur le feu
+^ q dans des meulles doulces crensees (?)
#^ et pour mieux destinguer les couleurs, l en fault faire de petits morceaulx à part, et fondre qu´il sont encores mols, il les fault tremper dans de la colle celleu (ou blanc d´oeuf) colloree de quelque aultre couleur, oubien dans des couleurs pulverisees (comme on enfarine le poisson pour le frire) et puis les assembler l´un à l´aultre, que en composer tel corps on figure qu´on vouldrà, et c´est ce qui faict la distinction des veines qui separent les couleurs l´une d´avec l´ultre.