Sijn aenghenaem,, en seer bequaem.
Leer-lustigh' Ieught,, zijt neer gheseten
By Tityr in het woudt,, en daer u nut aenschout,
Het gheen u deught,, can doen te weten,
De dinghen menichfout,, van veers naeby ghebout,
Hoe t'veerst van t'naest verstout.,, dat ghy onthoudt
Des voorgrondts stout,, voorcomen:
Siet op't herdt loof,, der voorster bomen,
En merckt hoe doof,, van veers de blomen
Vertoonen haer,, ghy wordt ghewaer,
Wat herdt oft soet,, men schildren moet.
Al t'gheen u greyt,, in Paus warande,
T'zy bosch, t'zy berghs oft Grot,, waer t'oogh op werpt het lot,
nae conterfeyt,, maer met verstande,
Hier Stadt, Casteel, en Slot,, daer Boer-huys, hut, oft cot,
Gins weghen, brugghen, tot,, geen overschot,
Der vvater-vlot,, Rivieren:
Hier beecxkens meldt,, fonteynkens cieren,
Op't grasigh veldt,, viervoete dieren
Ghy vinden sult,, met vreught vervult,
Gaend' in de vvey,, daer elck vermey.
Boerinnekens soos',, haer Koeykens melcken,
Al singhend' overluydt'siet Oost, West, Noordt en Suydt,
De Iaghers loos'met honden telcken
Oock t'bosch gins springhen uyt,, t'vvildt vlien doen als hen buyt.
Wat naerder in een schuyt,, door s'Meys virtuyt,
Men hoort t'gheluydt,, der snaren.
Merckt eens hoe vry,, daer t'samen paren
Een hy en sy,, in't meerken varen,
En hoe met lust,, d'een d'ander kust,
Slaet dit al gae,, en bootst het nae.
Keert vveer naer Stadt,, ghy jonghe spruyten,
Als t'lommer u begheeft,, t'vvelck u beschaduvvt heeft,
Stelt t'huys al dat,, ghy saeght hier buyten,
T'geen ghy in't Boeck beschreeft,, sulcx lantschaps doen aencleeft,
Met vervven die ghy vvreeft,, maeckt dat het leeft
(In schijn), soo svveeft,, de Fame,
En brengt u vverck,, een groote name,
Door t'goet opmerck,, bevrijdt van blame,
Liefhebbers veel,, der Consten eel
Crijght ghy haer gheldt,, daer voor ghetelt.
Deught verwint. P.C. Ketel.