wetende, dede noch snooder, en wreeder wraeck, als hem leet ghedaen was. Hy liet dees twee jonghe kinderen tot spijse koken, en gafse zijnen broeder onwetens t'eten, onder decksel te willen met hem vaste vrientschap houden: t'eynden de maeltijdt, liet hy op tafel brenghen de rouwe hoofden en armen. Thyestes, vreesende oft het hem ooc mocht gelden, nam de vlucht, en quam by den Coningh Thesprotus, van daer te Sicyonien, daer vondt hy zijn eyghen dochter Pelopia, wasschende in de Vliet haer cleeren, die sy dansende hadde bevleckt in't bloedt van d'Offerhande, die sy Minervae hadde ghedaen: dese heeft hy, also het nacht wiert, onversiens overvallen, onteert, en bevrucht met eenen soon. Ter selver tijt quam tot Mycenes eenen grooten dieren tijt, waer van de voorseggers de schult leyden op de misdaet van Coningh Atreus, om welcke te reynighen hy weder most roepen zijnen broeder Thyestem, en hem gelijck doen in het erfdeel van zijnen Vader. Dus dan Atreus hem meenende vinden tot den Coningh Thesprotus, trock daer henen, maer hem gemissende, en daer vindende Pelopia, meenende haer deses Coninghs dochter te wesen, begeerde hyse aen hem te Houwlijck, die hy lichtlijck vercreegh: want sy haer swangerheyt geern aldus hadde verborghen. Weynich tijt nae datse by hem was t'huys gheweest, gelagh sy van eenen soon, die sy dede leggen in een wildernisse voor den wilde Dieren, om datse werdt te weten dat het haer Vader was, die haer soo overweldicht hadde, want sy het sweerdt dat sy hem doe hadde ghenomen, namaels bekende. Eenige Herders t'kindt vindende, voeddent met een Geyte, waerom dat het AEgisthus wiert geheeten. Pelopia de Moeder om haer te verschoonen, en Atreum te vredigen, ghebruyckte de beste redenen die sy con: maer hy liet het kindt soecken, en gevonden, liet het opvoeden, met Agamemnon, en Menelaus, die alree groot waren. Atreus dese twee zijn sonen uyt hebbende ghesonden, Thyestem hun Oom te halen, wat sy daerom doen souden: trocken tot het Delphossche Geheymnis, daer sy hem vonden raedt te vragen, hoe hy hem best aen Atreum mocht wreken. Van daer hebben sy hem ghenomen, en ghebracht tot hun Vader, die hem langhe tijdt hiel ghevangen, seyndende eyndtlijck tot hem zijnen ghemeenden soon AEgisthus, om Thyestem te dooden, met dit sweerdt dat zijn Moeder Pelopia hem hadde benomen, in't vercrachten. Thyestes kennende zijn sweerdt, vraeghde beleefdelijck, waer hy dat gecregen hadde? Hy antwoorde, dat het hem Pelopia zijn Moeder hadde gegheven: waer op hy AEgisthum badt, haer daer te doen comen, om de waerheyt te verstaen: sy bekende alles vry uyt, en ghelatende t'sweerdt om wel onderkennen beter te besien, nam het, en doorstacker haer selven met dit sweerdt, dat AEgisthus noch warm van den bloede bracht by Atreum, die hem doe liet duncken ghenoech los van zijnen broeder te wesen: meenende hy doot was, ging Offerhanden doen op den oecver der Zee, daer is AEgistus ghecomen, die hem ombracht, verloste zijn Vader, en nam met hem, de Croone van het Rijck Mycenen aen. Ondertusschen was Atrei soon Agamemnon oock ghehouwt met Clytemnestra, dochter Tyndari, die hem eenen soon baerde, ghenoemt Orestes. Menelaus hadde de schoon Helena, was Coningh van Lacedemonien, oft Sparta, en Agamemnon van Argos. Agamemnon den Oversten van al t'Griecksche legher voor Troyen wesende met Menelaus, om t'ontschaken van Helena, heeft by Clytemnestra zijn Vrouw ghelaten een treflijck Poeet, constigh Sang en Speel-meester, om haer te verma-