[f.6r]
Couleurs ordinaires pour huile.
Blanc de plomb.
Noir de charbon fort doulx fault premierement
broyer dans l’eau. & estant sec broyer auec huyle.
—Nul noir ne se met en l’eau.—
Noir de Lampe. Le fault buisler
dans vn X bien ferme ou couvert, jusques
a tant que la fumée soit toute passée, & alors
le fault verser & guarder. On peult le busler
sans couvrir, & quand la fumée est passée,
fault couvrir le creuset, le feu s’estaindra,
& si on veult tout aussi tost se peult mettre
auec l‘huyle.
Pour faire seicher le noir & toutes aultres
couleurs comme lacque (mais il la faict
vn peu mourir) prenez huyle cuisée auec
Lytharge sur le feu vne demie heure ou
vne heure, & guardez ceste huile pour
en mesler auec les couleurs.
Le plus fort noir se faict auec yuoire, bruslé
dans vn vaisseau de fer bien ferme, auec
Lutjum sapientiaej & sei. Le noir n’a point de corps, & est pour
ettre sur vn aultre noir de Lampe comme
en glaqant, & alors est noir en extremité.
—Soit toujours dans l’eau—
blanc de plomb soit premierement broyé
auec eau, puis estant sec auec huyle. Si voy
le mettés deux ou trois fois au soleil couvert
d’eau, il deuient beaucoup plus blanc, comme
on blanchit le Linge.
—Sans eau.—
lacque pour glacer, & peindre.
vermillon. Oynabre. Broyés le premierement
auec urine d’enfant, puis estant
sec auec huile, sur la palette.
—Se guaste en l’eau & se blanchist.—
Braun rot. Rouge d’Angleterre broyés
seulement en huyle.
—Soit mis en l’eau.—
ocre Jaune bruslée faict vn bon rouge pour
visaiges, & toute aultre chose.
Ocre Jaune, broyée en huyle, si vous le faites
en eau ne seiche pas aisément & n’est
—Sans eau, se guaste aultrement en un jour.—
[f.6v]
pas si belle.
—Sans eau, meurt dedans—
schitgeel. pinke. Scudegrün broyes
seulement auec huyle.
—Dans l’eau.—
masticot de trois ou quartre sortes plus
clair & plus brun. ne se broye point
mais seulement se mesle sur la palette.
—Dans l’eau.—
terre d'ombre simple & bruslée. La brus
faict vne belle couleur comme ombre & lacque
meslés: mais elle tient mieux & ne
change point. Se brusle dans le feu jusque
a rougeur.
Ashen couleur. Cendrée se mesle seuleme
sur la palette, & par l’alliage du blanc plus
ou moings se faict en diuerses manieres.
Smalt, esmail. tout de mesme.
Ultramarin,. auec le Lapis Lazulj.
—Dans L’eau.
Le corps du verd de terre
est ce qu’ils appolent en Angl.: Spanish whit, qui est moitie de
croye.—
verd de terre semble de la Cendrée un peu
verdastre, fault broyer, meurt vn petit, se mesle
pour faire des visaiges. & auec pinke faict
vn vert. C’est la residence de l’eau de Separation.
—Dans L’eau.—
Colniche erden faict vn noir rougeastre.
ne seiche pas aisément.
—Dans L’eau, aultrement
s’endurcit.—
mine se broye auec huyle meurt de soy, mais
est fort siccatif, si on en mesle tant soit peu
auec la lacque ou auec le vermillon, les faict
plus tost seicher.
—Sans eau.—
verd de gris distillé ne sert que pour glacer
sur blanc & noir ou sur masticot, sur toutes
les aultres couleurs, meslé vn peu parmy
les noirs les faict seicher, mais ayés palette,
pinceaulx & huyle à part pour ceste couleur.
Pour empescher que ceste couleur ne
meure, aussi tost qu’elle sera seiche (qui ser
dans 2 ou 3 jours) y fault passer vn vernix
qui sera dit cy apres.
—C’est le Spanishwhit dont on faict des pains pour blanchir les maisous auec la collo.—
Voyes auec quoy se precipite la couleur bleu-verte
qui se tire de l’eau de Separation, qu’
appele Vert de terre. sçauoir mon si on adjoust
de la croye pour prendre la couleur & donner corps
ou aultre chose. Essayez la pouldre d’Alabastro
non bruslée, la chaux bien estainte,
le talc raspé, la Croye de Bryançon.