[f.13r]
Au leuer du Ꙩ le bas de l’air approchant de la terre soit faict Jaune clair auec Ocre Jaune & blanc; un peu plus hault des nuées auec esmail. lacque, & un peu d’Ocre Jaune & au bas de la nuée ou les rayons du soleil donnent esclaircisses auec blanc, Ocre Jaune & un peu de lacque, plus ou moings de l’une ou de l’aultre selon la reflexion des rayons du soleil.
A Midy: Au plus hault, bleu auec esmail & blanc, puis en descendant tousjours en blanchissant. Les nuées au plus clair ou le soleil donne toutes blanches. En bas on doibt estre l’obscur auec esmail, blanc, Ocre Jaune & lacque.
Au soir quand le soleil se couche: Au bas pres de la terre tout rouge auec mine & blanc & lacque meslés. Pour enfoncer les nuées esmail, blanc, lacque & Ocre Jaune.
Tousjours matin & soir le hault du ciel doibt estre bleu auec esmail & blanc. Le resle soit accommodé a l’heure du jour.
[f.13v]
Ciel serain simplement auec esmail blanc, en esclaircissant tousjours a mesu qu’on vient à la terre sans nuées.
.Ciel nubileux: Point de bleu, peu de blanc. Nuées troubles & obscures plus ou moings selon le meslange des couleurs de esmail, Ocre Jaune, lacque, & tant soit peu de blanc.
La terre ou pais.
En l’esloignement: La plus belle Cendrée & blanc auec tant soit peu de lacque.
Un peu plus pres adjoustés a ces couleurs de cendrée ou Aschen, blanc & lacque, un peu de masticot.
Pour les arbres. Cecy est commun auec la terre.
Plus pres on la seconde veue ashen, masticot & un peu de lacque.
Plus pres , ashen, Ocre Jaune & vn peu de masticot.
Plus pres , ashen, Ocre Jaune & vn peu de schitgeel
En la veue plus proche ashen, schitgeel
& un peu de lacque.
Les Ghemins.
Les plus esloignes: ashen, blanc, & un peu de lacque.
Les plus pres : ashen, braunrot & blanc.
Les plus proches de touts: braunrot, Ocre Jaune, blanc & un peu d’Aschen.
Pour enfoncer au plus profond, du noir de l’Vmbre & un peu de blanc.
Les champs.
Esloignés: Aschen & masticot, Aschen fort peu & tres belle, plus de masticot. Pour ombrager, plus d’Aschen que de masticot.
Plus pres: Aschen peu, masticot plus, schitgeel un peu.